Enpresaren aurkezpen laburra (jarduera, kokapena...): 1989an sortutako familia-enpresa, plastikozko enbalaje malgua egiten duena, bai lehen mailakoa, bai bigarren mailakoa, bai hirugarren mailakoa. 150 pertsona baino gehiago gara, eta urtero 30.000 tona baino gehiago eraldatzen ditugu. Jabetzan lehen belaunaldian gaude oraindik, baina jada bigarrenean kudeaketan.

Nola eta noiz sortu zen proiektua? Zerk bultzatu zintuzten zuen jarduera ekonomia zirkularrerantz orientatzera?

Enpresa 4 akziodunek (Garmendia anaiak, Goñi ahizpekin ezkonduak) sortu zuten 1989an, paperaren munduarekin lotutako hainbat proiekturen ondoren.

2016an egin genuen gogoeta estrategikoan ikusi genuen korronte bat zegoela plastikozko poltsaren kontra, eta hurrena ikusmiran jarriko zirenak bilgarria eta enbalajea izango zirela ikusten genuen. Horregatik, gogoeta horretatik sortu zen 2017-2020 plana. Plan horretan, ardatz nagusi gisa ezarri genuen sektorean jasangarritasuneko erreferente izatera iristea, Ekodiseinuan eta Ekonomia zirkularrean oinarrituta. Eta enpresa osoa helburu hori lortzeko lanean jarri ginen, PLASTIGAURen ingurumen-aztarna murrizteko, enpresa gisa eta gure produktu guztiei dagokienez.

Zer-nolako produktuak egiten dituzue erabiltzen duzuen lehengaitik abiatuta?

Produktuarekin kontaktuan dagoen salmenta-bilgarria fabrikatzen dugu, baita taldekatze-enbalajea eta paletetarako hirugarren mailakoa ere. Duela urte gutxi arte, mota honetako aplikazioetarako erabiltzen genuen lehengaiaren % 100 jatorri fosileko eta petrokimikatik eratorritako birjina zen.

Nolanahi ere, gaur egun jada % 50 arte kontsumo osteko eduki birziklatua duen bigarren mailako enbalajea sortzen dugu, eta birziklatze kimikotik datorren lehengaia ere erabil dezakegu, hau da, jatorria plastikozko hondakina bera duena edo landare-hondakinetatik datorrena.

OPE material bat ere garatu dugu, material bakarreko salmenta-bilgarri eta elikadurako ontzi % 100 birziklagarriak lortzeko aukera ematen duena; gaur egungoak, berriz, birziklatzeko oso zailak dira.

Konponbide horiek guztiak EKOGAUR produktu-gama berriaren barruan garatu ditugu.

Zein da zuen erakundearen balioa ekonomia zirkularreko proiektu gisa? Eta zein da zuen erakundearen ingurumen- eta gizarte-balioa?

3R-en estrategian: MURRIZTEKO (Reducir) lan egiten dugu, lodierak etengabe murriztuz, energia % 100 berdea erabiliz eta prozesuko galerak minimizatuz. Enpresak sortzen eta dituen hondakin guztiak BERRERABILTZEA (Reutilizar) eta BIRZIKLATZEA (Reciclar), kontsumo osteko birziklatze mekaniko bidez zein birziklatze kimiko bidez lortutako materialak erabiliz, material % 100 birziklagarriak ekoizteaz gain.

Urtero gure enpresaren ingurumen-aztarna murrizten dugu, eta hori lortzeko GUZTIOK lan handia egiten dugu

Zenbaterainoko garrantzia du I+G+b alderdiak zuen erakundean?

Funtsezkoa. 2017an hasitako jasangarritasun-estrategiarekin PLASTIGAURen eredua erabat aldatzen ari da, eta dugun Ekodiseinuaren mentalitateak % 100 birziklagarriak diren konponbideak bilatzen ditu. Eduki birziklatu gero eta gehiago erabiltzen ari gara, eta horren ondorioz etengabe berritzen ari gara gure bezeroen beharrei erantzuteko, ingurumenarekiko hobeak diren konponbideak eskatzen baitizkigute. Horrek I+G+b bultzatzera behartzen gaitu, bai produktu eta konponbide berriak bilatzeko, bai gure prozesu guztien berrikuntza indartzeko.

Zein izan dira urte hauetako zuen lorpen nagusiak?

Garrantzitsuena 2017an proposatu genuen helburu estrategikoa betetzea da, gure sektorean Iraunkortasunean erreferentea izatea, alegia. Ez da bide erraza izaten ari, gure erosotasun-zonatik kanpo etengabe bizitzera behartzen gaituelako, baina pozik gaude bete dugulako. Merkatuan ikusten dugunean gure enbalajeak % 50 arteko kontsumo osteko eduki birziklatua duela, edo ikusten dugunean gure bezeroek % 100 birziklagarriak diren gure konponbideen aldeko apustua egiten dutela, horrek atsegin handia ematen digu.

Zer uste duzue behar dela ekonomia zirkularra sendotu dadin oro har, eta bereziki Gipuzkoan?

Funtsean, gizarte osoa kontzientziatzea. Enpresa fabrikatzaile gisa, plastikozko bilgarria eta enbalajea sortzen duen enpresa gisa, gaur egun dagoen hondakin-kudeaketaren arazoaz jabetzen gara; hori da hondakin plastikoak benetan izan dezakeen arazoa, frogatuta baitago material hori beharrezkoa dela moldakortasun eta arintasunagatik, iraunkorrago bihurtzen baitu. Eta sumatzen digu lehentasuna ematen zaiola hautemandako jasangarritasunari, sare sozialetan sustatzen denari, jasangarritasun errealaren aurrean, baita Administrazioetatik ere.

Gipuzkoa beste eskualde batzuekin konparatuz gero, benetan uste dut kontzientzia bat dugula, sentikortasun handiagoa dugula ekonomia zirkularrarekiko eta birziklatzearekiko; edonola ere, aurrera begira bide luzea dugu egiteko.