Joan den azaroaren 7an, Naturklimaren Klima Aldaketaren Behatokiak Gipuzkoako Klima Aldaketaren Inpaktuari eta Kalteberatasunari buruzko VI. Txostena aurkeztu zuen. Azterlan aitzindaria da, eta lurraldeari eragiten dioten klima-arriskuen arteko mendekotasunak aztertzen ditu lehen aldiz. Txostenak erakusten duenez, hiru sektore estrategikotatik batek eragin handia du sektoreen artean hedatzeko gai diren eraginen aurrean, eta, ondorioz, osasuna, ekonomia eta funtsezko zerbitzuak arriskuan jar ditzaketen kate-efektuak sortzen ditu.

Txostenaren arabera, finantza-sektorea, turismoa, hiri-ingurunea eta industria dira beste eremu batzuetan sortutako arriskuen aurrean ahulenak; kostaldea, ura eta hiri-ingurunea sektoreek, berriz, inpaktuak lurraldearen gainerako eremuetara hedatzeko gaitasun handia dute. Gainera, zerbitzu ekosistemikoen galera, funtsezko hiri-sistemetako kalteak eta hiri-uraren eskasia bezalako arriskuek gainerako arriskuen ondorioak anplifikatzen dituzten nodo zentral gisa jokatzen dute.

VI. Txosten honek JAsangarritasun Departamentuaren estrategia indartzen du, deskarbonizazio-planak, energia-komunitateak, ekonomia zirkularra eta kostaldearen babesa konbinatzen baititu, Gipuzkoa klima-arriskuen aurrean prestatzeko eta lurralde erresilienteagoa eta iraunkorragoa bermatzeko.