Balore Merkatuaren Batzorde Nazionalak adierazten duen moduan, finantza jasangarritzat hartzen dira hazkunde ekonomikoa garapen gizatiar eta orekatuagoa lortzera bideratzen dutenak. Finantza jasangarrien barruan, hiru tipologia ageri zaizkigu.

• Inbertsio sozialki arduratsua: irizpide ekonomiko hertsiez gainera, ingurumen, gizarte eta gobernantza irizpideak ere kontuan hartzen dituzten inbertsioak (arriskua, errentagarritasuna eta likidezia). Halaber, inpaktu inbertsioak ere biltzen dira; haien xedea izaten da gizartean eta ingurumenean inpaktua sortzea, baita finantza itzulera sortzea ere.
• Banku etikoa: bere jardunean gardentasuna, demokrazia eta jasangarritasuna irizpide gisa hartuta lan egiten duen banku jarduera, banku klasikoko finantzarioekin batera gauzatua.
• Mikrofinantzak: oinarrizko finantza zerbitzuak eskaintzen dizkie finantza bazterkeria izateko arriskuan dauden kolektiboei (kontu korronteak, zordunketa txartelak, maileguak...). Helburua zera da, kolektibook finantza alderdietan biltzea.

Aldi berean, finantza jasangarriei esker, hainbat finantzaketa produktu baliatu daitezke, garapen jasangarria sustatzeko.

• Pentsio eta inbertsio funtsak: inbertsiogile partikular talde baten ondarearekin ostutako inbertsio eta aurrezki tresnak; erakunde kudeatzaile bat arduratzen da haiek kudeatzeaz.
• Bonu berdeak eta sozialak: zor publiko eta pribatuaren jaulkipenak, gizarte edo ingurumen inpaktu positibora bideratutako proiektu finantzaketa ardatz dutenak.
• Arrisku sozialeko kapitala: kotizatu gabeko enpresetara jasangarritasun irizpidez egindako inbertsioak.
• Mikrokredituak: ekintzailetzarako edo finantzaketa eskuratzeko zailtasunak dituzten negozioak garatzeko kreditu txikiak; haien helburua izaten da autoenplegua sustatzea maila sozialean.