Komertzioaren aurkezpen laburra (jarduera, kokalekua…):

Batlló Concept, interiorismo estudio bat izateaz gain, Donostiako gure tailerrean eskuz fabrikatutako altzarien diseinu eta ekoizpenerako marka propioa da.

Espazio horretan, gure diseinuak ez ezik, sortzen ari diren markak ere aurkituko dituzu, tokikoak eta nazioartekoak, gure filosofiarekin bat datozenak: diseinua, artisau-lana, sormena, berrikuntza eta ingurumen-inpaktua ahalik eta gehien murriztuko duten ekoizpen- eta logistika-tresnen erabilera.

Nola eta noiz sortu zen proiektua?

2011n hasi nintzen material birziklatuekin altzariak eta lanparak diseinatzen, burdina galbanizatuzko eta zurezko hodiekin, Ingalaterrara bidaia egin ondoren. Bidaia horretan, material horiekin egindako diseinu batzuk ikusi nituen, eta ideia gustatu zitzaidan. Gainera, une horretan, Espainian ez zegoen horretan aritzen zen markarik, eta funtzionatuko ote zuen probatzera animatu nintzen, eta zorionez, funtzionatu zuen, eta gaur egun, diseinu horietako batzuk, hala nola lanparak, mahaiak, gaueko galaiak eta arropa-astoak, gure tailerrean ekoizten jarraitzen dugu.

Zer harreman dago zuen proiektuaren eta ekonomia zirkularraren artean? Zein dira azkeneko urteetan, jasangarritasunari dagokionez, egin dituzuen ekintza nagusiak, eta zein lortu dituzuen aurrerapen eta lorpen nagusiak?

Altzari eta lanparen gure diseinuetako batzuetan, birziklatutako materialak erabiltzen ditugu, hala nola egurra, burdina eta burdina galbanizatuzko hoditeria. Gainera, gure hainbat hornitzailek birziklatutako materialak ere erabiltzen dituzte, hala nola kotoia eta PET, beren produktuak fabrikatzeko. Enbalajeari dagokionez, gure hornitzaileen enbalajeko kaxa eta plastiko guztiak birziklatzen ditugu beti, eta gure online bidalketetarako berrerabiltzen dugu.

Zer etekin ateratzen diozue zuen komertzioan ekonomia zirkularreko edo jasangarritasunarekin lotutako ekintza horiek aplikatzeari?

Material-hondarrak aprobetxatu eta kausari gure aletxoa jartzen ari garela sentitu.

Zer oztopo edo zailtasun dituzue zuen dendan jasangarritasun-ekintzak aplikatzeko?

Material batzuk, nahi dugun arren, ezin ditugu berrerabili.

Nola uste duzue Gipuzkoako saltoki gehiagok parte har dezakegula zure negozioan jasangarritasuna txertatzeko?

Haciendo más campañas de sensibilización.

Zer aholku edo gomendio emango zenieke jardunbide jasangarriak aplikatzeko interesa duten Gipuzkoako komertzioei?

Keinu txiki orok balio du, eta keinu hori gutxienez negozio plastikoan, paperean, organikoan eta hornitzaileen bilgarrietan birziklatzea bada, ondo dago.