Gaur argitaratu da GAOn Gipuzkoako Lurralde Historikoko azpiegitura berdeak eta erresilientzia hobetzeko proiektu eta jarduketak gauzatzeko gauzazko dirulaguntzen deialdia. Esteka honetan konsulta dezakezu:

GAO

Eta baseak:

GAO Baseak

Klima Aldaketaren Aurka Borrokatzeko Gipuzkoako Estrategiak (Gipuzkoa Klima 2050) 2050ean klima-neutraltasuna lortzea eta natura-ingurunearen erresilientzia handitzea ditu helburu, besteak beste. Hori lortzeko, lehentasunezko jarduera-ildotzat ezartzen ditu azpiegitura berdea bultzatzea eta lurraldea deszatikatzea, bai eta espazioak lehengoratzea eta naturalizatzea ere.

Testuinguru horretan, Naturklimak, Karbonoa Konpentsatzeko Borondatezko Funtsaren (FCO₂) bidez, erronka horiei erantzun nahi die, lankidetza publiko-pribatua sustatuz, berotegi-efektua eragiten duten CO2 emisioak xurgatzen zein biodibertsitatea hobetzen, klima-aldaketara egokitzen eta Gipuzkoako azpiegitura berdea indartzen jarduteko. Horretarako, FCO₂an jasotako dohaintzak lurraldeko natura-ondarea hobetzeko erabiltzen dira.

Esparru horretan, azpiegitura berdeak eta erresilientzia hobetzeko proiektuak eta jarduketak gauzatzeko gauzazko dirulaguntzetarako deialdia egiten da:

• Xedea: azpiegitura berdeak eta berdeguneen eta gune urdinen konektibitatea birnaturalizatzeko, handitzeko eta hobetzeko jarduerak gauzatzea, bai eta biodibertsitatea eta haren kontserbazioa sustatzea, klima-aldaketara egokitzea eta sistemaren erresilientzia handitzea ere.
• Hartzaileak: Gipuzkoako Lurralde Historikoko udalak eta udal-erakunde autonomoak, toki-erakunde txikiak, mankomunitateak eta udal eta eskualde mailako merkataritza-sozietateak.
• Diruz lagundu daitekeen jardueraren zenbatekoari buruzko baldintza: diruz lagundutako obren proiektua edo memoria baloratua gauzatzeko aurrekontua edo kostu ekonomikoa obra-kontratu txikiaren mugetara egokituko da (48.000 BEZ barne).
• Gauzatzea: Naturklima arduratuko da dagokion egikaritze-proiektua lizitatzeaz, eta bere gain hartuko du, barnean edo kanpoan, obra-zuzendaritza, eta erakunde onuradunekin lankidetzan gauzatuko ditu jarduketak.
• Burutzeko epea: Dirulaguntzaren xede den jarduera edo proiektua hasi gabe egon beharko da deialdiaren urteko urtarrilaren 1ean, eta urte horretako ekitaldi ekonomikoaren barruan amaitu beharko da, nahiz eta jarduera edo proiektu hori lehenago hasitako edo geroago amaitutako proiektu luzeago baten osagai edo etapa izan daitekeen.
• Bazterketak: Ez dira diruz lagunduko Gipuzkoako Lurralde Historikoko onura publikoko mendietan egin beharreko proiektuak edo jarduketak.

Eskaerak aurkezteko epea: 2 hilabete, GAO argitaratu eta hurrengo egunetik kontatzen hasita (argitalpen data: 2025/04/04).