Enpresaren aurkezpen laburra (jarduera, kokapena...):

Garaia Parke Teknologikoan dago, Arrasaten, eta CHUBU ECOTEC Asia osoko konpostaje-sektorean lider den enpresa japoniarraren konpostaje-ekipoen banatzaile esklusiboa da Europa hegoalderako.

Nola eta noiz sortu zen proiektua? Zerk bultzatu zintuzten ekonomia zirkularrera bideratzera zuen jarduera?

SMARTCOMPO industria sektoreko Gipuzkoako enpresa talde baten batasunetik sortu zen, dibertsifikatzea eta beste merkatu batzuetara produktu desberdin batekin irekitzea bilatzen zutenak.
Japoniako enpresarekiko harremana Saiolanen bidez iritsi zen, zehazki, Antena Internacional deritzon eremuan, zeinak irtenbide berritzaileak eskaintzen dituzten atzerriko enpresen eta dibertsifikatzeko bokazioa duten euskal enpresen arteko konexioa bilatzen duen.
CHUBU ECOTECen produktuak enpresek bilatzen zituzten baldintza guztiak betetzen zituen: Europan irtenbide berritzailea eta ezezaguna izatea, ekonomia zirkularrari laguntzea (ezingo litzateke bestela izan) eta etorkizunean produktua Euskadin fabrikatzea ahalbidetzea.

Zer produktu mota egiten dituzue erabiltzen duzuen lehengaitik abiatuta?

Oraingoz, Smart Compo Compo konpostaje-ekipoen banatzailea da. Ekipo horiek kalitate handiko materialez diseinatu eta fabrikatuta daude, eta 30 urtetik gorako balio-bizitza lortzen dute.

Zein da zuen erakundearen balioa ekonomia zirkularreko proiektu gisa? Eta zein da zuen erakundearen ingurumen- eta gizarte-balioa?

Eskaintzen dugun produktuarekin mota guztietako hondakin organikoen kudeaketa optimoa eta kalitate handiko ongarriak eta konposta ekoiztea bilatzen dugu.

Abenduaren 2ko Europako Batzordearen "Itxi zirkulua: ekonomia zirkularrerako EBren ekintza-plan bat" jakinarazpenaren ondorioz sortutako lege-paketearen arabera, hondakinen kudeaketa ekonomia zirkular baterantz igarotzeko elementu nagusietako bat zela adierazten zuena, hondakinen hierarkiaren lehen aukerak sustatu nahi ditugu eta haien isurketa murriztu.

Zer garrantzi du I+G+b-k zuen erakundean?

Enpresa nagusia etengabe ari da produktua hobetzen eta konpostajearekin eta ongarri organikoen ekoizpenarekin lotutako produktu berriak garatzen.

Zeintzuk izan dira urte hauetako zuen lorpen nagusiak?

Oinarrizkoa dirudien arren, produktua Europako zuzentarauetara eta Espainiako eta Portugalgo enpresen eskakizunetara egokitzea izan da erronkarik handienetako bat.

Era berean, Compo konpostaje-ekipoek FORSU edo oiloen simaurra bezalako hondakin desberdinak tratatu ditzaketela frogatu dugu.

Zuen ustez, zer da beharrezkoa ekonomia zirkularra oro har finkatzeko; eta Gipuzkoan, bereziki?

Bide onetik goazela uste dut, poliki bada ere. Ekonomia zirkularra aukera bat dela sinetsi behar da, eta ez eraginkortasuna galtzea. Uste dut ekonomia zirkularrean inbertitzen jarraitu behar dela, hori baita benetako aurrerapenerako bide bakarra.