•
Indarrean dauden laguntzen eta berrikuntzen zerrenda (2025eko iraila)
Zuen enpresa eta erakundeentzat interesgarriak izan daitezkeen hainbat laguntza-eta dirulaguntza-lerroen berri ematen dizuegu
Nobedade:
- ADIMEN ARTIFIZIAL APLIKATUA ETA 2024-2025 DATU-ESTRATEGIA. Adimen Artifizial Aplikatua eta 2025 Datuaren Estrategia laguntza-programaren helburua da Euskal Autonomia Erkidegoko enpresetan IAren erabileran oinarritutako proiektuak babestea, baldin eta frogapen-efektua badute eta Euskadin teknologia horren eskaintza eta eskaria aktibatzea ahalbidetzen badute, euskal enpresei lehiakortasuna handitzeko tresnak emateko helburuarekin.
Era berean, datuen kudeaketa estrategikoan zentratzen diren proiektuei laguntza emango zaie, adimen artifizialean oinarritutako soluzioen inplementazioa errazteko eta azkartzeko helburuarekin. Horrek esan nahi du lehentasuna emango zaiela datuak eraginkortasunez erabiltzeaz gain, enpresei IA beren eragiketetan azkarrago eta modu eraginkorragoan integratzea ahalbidetuko dieten prozesuak eta egiturak ezartzen dituzten ekimenei. Proiektu horiek beren datuak ahalik eta gehien aprobetxatzen lagunduko diete enpresei, erabakiak hobeto hartzeko, baliabideak optimizatzeko eta negozio-aukera berriak garatzeko.
Programa honetan aurreikusitako laguntzak jaso ahal izango dituzte EAEn enpresa-jarduera egiten duten pertsona fisiko eta juridikoek, enpresaren tamaina edozein dela ere, hala eskatzen badute, eta diruz lagun daitezkeen jarduerak gauzatzeko proiektuak aurkezten badituzte.
Programak diruz lagundu daitezkeen hiru proiektu-tipologia biltzen ditu:
- Datuaren Estrategiaren aholkularitza: kanpoko enpresa adituak eskatzailearen egoeraren diagnostikoa eta datuaren gobernantza hobetzeko eta adimen artifizial aplikatuaren erabilera-kasuak identifikatzeko aholkularitza teknikoa egiten duen aholkularitzari lotutako gastuak diruz lagunduko dira.
- Datuaren estrategia: erakundeei beren datuak behar bezala erabiltzeko aukera ematen dieten proiektuak lagundu ahal izango dira diruz, erabakiak hartzea erraztuz, datuen ustiapenerako eta analitika aurreraturako azpiegiturak hobetuko dituzten irtenbideak ezarriz. Gainera, honako bi eremu hauetakoren bati erantzun beharko diote:
o Datuen arkitektura eta azpiegitura.
o Business Intelligence.
- Adimen artifizial aplikatua: adimen artifizialean oinarritutako zerbitzuen eta/edo soluzio komertzialen aplikazioarekin lotuta egon beharko dute.
Azken eguna: 2025/12/31 23:59:00.
- BERRESKURATZE, ERALDAKETA ETA ERRESILIENTZIA PLANEKO – EUROPAR BATASUNAK FINANTZATUA – NEXTGENERATIONEU, EEEren bidez – ESTABLEZIMENDU TURISTIKOETARAKO ETA SEKTORE HORRI LOTUTAKO BESTE JARDUERA EKONOMIKO BATZUETARAKO EKIPAMENDUA BERRITZEKO INBERTSIOETARAKO LAGUNTZEN PROGRAMA. Programa honen helburua da EAEn kokatuta dauden eta sektore horri lotutako jarduera ekonomikoak dituzten establezimendu turistikoen eta enpresen energia-kontsumoaren eraginkortasuna handitzeko ekintzak sustatzea.
Zehazki, honako hauek izango dira laguntzen azken hartzaileak:
- a) Pertsona fisiko edo juridiko pribatuak, lehendik dauden eraikinen, horien zatien edo EAEn kokatutako "turismo-ostatuko establezimenduetara" zuzendutako lokalen jabeak badira, Euskadiko Turismoaren 13/2016 Legean ezarritako definizioaren arabera, edo turismo-sektorearekin lotutako beste jarduera ekonomiko batzuen jabeak badira. Kanpoan geratzen dira Euskadiko Turismoaren 13/2016 Legean zehaztutako erabilera turistikoko etxebizitzak eta erabilera turistikoko etxebizitza partikularretako logeletako ostatuak.
- b) Turismo-ostatuko establezimenduetarako edo turismo-sektoreari lotutako beste jarduera ekonomiko batzuetarako eraikinen, horien zatien edo lokalen enpresa ustiatzaileak, errentariak edo emakidadunak.
Diruz lagun daitezkeen bi jarduera mota aurreikusten dira (aurrekontua, guztira, 6.000.000 euro):
- 1. motako jarduketa: etxetresna elektrikoen ekipamendua eta aparatuak ordezteko jarduketak.
- 2. motako jarduketa: argiztapen-instalazioen energia-eraginkortasuna hobetzeko jarduketak.
Azken eguna: 2025/12/31 23:59:00.
- RENOVE SMART INDUSTRY 2025 LAGUNTZA-PROGRAMA. Programaren xedea da Euskal Autonomia Erkidegoko industria produktu-prozesuari lotutako industria- eta zerbitzu-enpresetan makineria eta/edo ekipamendu aurreratuan (Hardware Software) inbertsioak sustatzeko laguntza-programa bat arautzea, industria 4.0 proiektuak inplementatzeko, industria adimendunaren esparruan teknologiak aplikatzeko.
Deialdiaren xede diren dirulaguntzak eskuratu ahal izango dituzte enpresa txiki edo ertain (ETE) industrialek eta produktu-prozesu industrialari lotutako zerbitzuen enpresa txikiek edo juridikoek, baldin eta makineria eta/edo ekipamendu aurreratua (hardwarea eta softwarea) eskuratzeko proiektuak aurkezten badituzte Industria 4.0ko proiektuak inplementatzeko. Makineria eta/edo ekipamendu aurreratua (hardwarea eta softwarea) eta aholkularitzako/ingeniaritzako gastuak erosteko laguntza-eskaera bakoitzeko gehieneko dirulaguntza % 20koa izango da, eta gehienez 75.000 eurokoa.
Eskaera egiteko epea: 2025/11/07ra arte.
- «2030 ERRONKA» LAGUNTZA-PROGRAMA. Programa honen helburua da ekintzailetzaren euskal ekosistema sustatzeko eta hobetzeko proiektuei laguntzea, ekimenak dinamizatu eta bateratu daitezen, eta, horretarako, bertako eragileak elkartu eta parte har dezaten, sinkronizazio eta koordinazio handiagoa lortuz.
Deialdi honen xede diren laguntzak dirulaguntza gisa antolatuko dira, diruz lagun daitezkeen gastuen ehuneko hauetan, onuradun-tipologiaren arabera, eta, betiere, onuradun bakoitzeko 15.000 euro gehienez ere:
- Pertsona fisikoa, elkartea, fundazioa eta unibertsitatea: % 100
- ETE: % 80
- Enpresa handia: % 60
Eskaera egiteko epea: 2025/10/27ra arte.
Indarrean:
- ENPRESA-ZIBERSEGURTASUNERAKO LAGUNTZA-PROGRAMA – 2025. Enpresen zibersegurtasun-maila nabarmen handitzen laguntzen duten proiektuetarako laguntzak, mehatxu digitaletatik babesteko neurri teknikoak eta antolakuntzakoak ezarriz.
Erakunde onuradunak:
Egoitza soziala edo jarduera-zentroa Euskal Autonomia Erkidegoan duten enpresak, bereziki industriaren edo lotutako zerbitzuen sektorekoak.
Diruz lagundu daitezkeen gastuak:
- Zibersegurtasun-soluzioak erostea eta ezartzea.
- Zibersegurtasuneko aholkularitza eta laguntza teknikoko zerbitzuak.
- Langileak zibersegurtasunaren arloan prestatzea.
Laguntza-eskabideak aurkezteko epea: 2025eko ekainaren 17tik azaroaren 24ra.
- KLOUD 2025eko PROGRAMA. Kloud laguntza-programak 50.000 €-rainoko dirulaguntza eskaintzen die euskal enpresei, beren zerbitzu, datu eta aplikazio informatiko guztiak Cloud inguruneetara migratu ahal izateko. Horrela, etengabe eboluzionatzen ari den ingurune digital batean eguneratuta eta lehiakor mantentzen laguntzea espero dugu. Zenbatekoa, guztira: 2 M €, euskal enpresek areto teknikoetan edo DPZetan dauden zerbitzuak edo azpiegiturak Cloud ingurune komertzialetara migratu ahal izateko.
Programa honetan aurreikusitako laguntzak jaso ahal izango dituzte Euskadin enpresa-jarduera egiten duten pertsona fisiko eta juridikoek, enpresaren tamaina edozein dela ere, hala eskatzen badute, betiere: a) Euskal Autonomia Erkidegoan jarduera-zentro bat badute, eta zentro horretan aurkeztu den proiektuak eragina izan beharko du eta bertan egingo da diruz lagundutako jarduera. b) Euskal Autonomia Erkidegoko Jarduera Ekonomikoen gaineko Zergan alta emanda badaude. Proiektu horiek Cloud zerbitzuak eskaintzen dituzten hornitzaile teknologikoek inplementatu beharko dituzte.
Aurkezteko azken eguna: 2025eko urriaren 10a (23:59).
- INDUSTRIA ETA HIRUGARREN SEKTOREKO – EEE ENPRESA TXIKI ETA ERTAINETAN AUDITORETZA ENERGETIKO INTEGRALAK EGITEKO LAGUNTZEN PROGRAMA. Lehentasunezko helburua da energia berriztagarrien erabilera potentziala eta industria eta hirugarren sektoreko aurrezpen eta efizientzia energetikoa lortzeko ekintzak sustatzea, hori guztia EAEko lurraldean.
Programa horretara bideratutako zuzkidura ekonomikoa bost milioi (5.000.000) eurokoa da.
Onuradunak: 56/2016 Errege Dekretuaren 2. artikuluan aurreikusitakoaren arabera, industriako eta hirugarren sektoreko ETEtzat hartzen diren pertsona fisiko edo juridikoak, Jarduera Ekonomikoen 2025eko Sailkapen Nazionalaren arabera (aurrerantzean, «EJSN 2025»), edo, bestela, 2009ko Jarduera Ekonomikoen Sailkapen Nazionalaren arabera (aurrerantzean, «EJSN 2009»), 07tik 39ra bitarteko taldeen barruan daudenak, biak barne, industria-sektorerako, eta 41etik 99ra bitarteko taldeen barruan daudenak, biak barne, hirugarren sektorerako, eta bi sektoreetan energia-kontsumitzaile handitzat hartzen ez direnak.
Laguntza-programa honetarako eskabideak aurkezteko epea oinarri hauek Euskal Herriko Agintaritzaren Aldizkarian argitaratu eta hurrengo egun baliodunean (2025eko maiatzaren 19a) hasiko da, 08:00etan, eta laguntza-programan horretarako bideratutako aurrekontua agortzen denean amaituko da.
- SPRI SA IZAERA BERRITZAILEKO PROIEKTU BERRIEI LAGUNTZEKO EKINTZAILE DEIALDIA. Laguntza honen helburua da enpresa-proiektu berritzaile eta/edo oinarri teknologikokoak, edo industrialak eta/edo produktu-prozesu industrialari lotutako zerbitzuetakoak, EAEko «Business Innovation Center» (BIC) batek babestuak, ideia heltzeko eta enpresa Euskal Autonomia Erkidegoan abian jartzeko faseetan.
– 1. lerroa: Ideia heltzeko eta Enpresa Plana egiteko prozesuan pertsona edo talde sustatzaileari edo enpresari laguntzeko laguntza, martxan jarri arte.
– 2. lerroa: 1. lerroko ekintzailetza-proiektuek sortutako enpresa berriei zuzendutako laguntza, zehaztutako enpresa-plana gauzatzeko beharrezkoak diren inbertsioak finantzatzen laguntzeko.
a. Laguntzari dagokionez (1. lerroa), gastu hautagarrien % 100era arteko dirulaguntza jaso ahal izango da, 30.000 eurora arteko gehieneko zenbatekoarekin.
b. Finantzaketa eskuratu ahal izateko (2. lerroa), honako hauek izango dira diruz laguntzeko modukoak:
– Aurkeztutako inbertsioak finantzatzeko emandako maileguaren % 20.
– Mailegua formalizatzeko dataren eta uneko hiruhileko naturalaren amaieraren arteko aldian sortutako interesak, bai eta hiruhileko bakoitzean sortutako interesak ere, hurrengo 8 hiruhileko naturaletan zehar.
Eskaera egiteko azken eguna: 2025eko abenduaren 11 (17:00).
- LORTU 2025. Lortu 2025 laguntza-programaren helburua euskal industria-sarea babestea da. Zehazki, finantza-osasuna lortzeko kanpo-aholkularitza behar duten enpresei zuzentzen zaie, aurre egiten ari diren zailtasunak gainditzea lortzeko helburuarekin, besteak beste, sarritan zorpetzea handitzea, enpresen ustiapen-marjinak murriztea eta diruzaintzako tentsioak eragin dituztenak.
Industria-produktuarekin eta -prozesuarekin lotutako industria- eta zerbitzu-enpresak, baldin eta:
a) Euskal Autonomia Erkidegoan jarduera industrialeko zentro bat izatea.
- b) Euskadiko Jarduera Ekonomikoen gaineko Zergaren dagokion epigrafe industrialean alta emanda badaude.
Gastu hautagarrien % 80ko dirulaguntza, gehienez ere 30.000 euro enpresa bakoitzeko (itzuli beharrik gabeko dirulaguntza).
Eskaera egiteko azken eguna: 2025eko urriaren 31.
- IKERKETA-PROIEKTUAK GAUZATZEKO GAZTEAK KONTRATATZEKO LAGUNTZAK. IKERLAN PROGRAMA. Gazte langabeak kontratatuz ikerketan eta berrikuntzan inbertitzen ari diren euskal enpresentzako laguntzak.
Dirulaguntzak lan- eta soldata-kostuak finantzatuko ditu, Gizarte Segurantzako kontzeptu guztien kotizazio-gastuak barne.
- A modulua (9tik 5era bitarteko kotizazio-taldeak): 22.405,92 € kontratatutako pertsona eta kontratazio-urte bakoitzeko (1.867,16 € hilean).
- B modulua (4tik 1erako kotizazio-taldeak): 33.108,84 € kontratatutako pertsona bakoitzeko eta kontratazio-urte bakoitzeko (2.759,07 € hilean).
Eskaintzak hautagai-zerrenden parekatze automatikoaren bidez eta horien zabalkundearen bidez kudeatuko dira, eta Lanbideren webgunean argitaratuko da: https://www.lanbide.euskadi.eus
Eskaerak aurkezteko epea: 2025eko irailaren 30a.
- ENERGIA BERRIZTAGARRIEN BIDEZKO KONTSUMO TERMIKOEN AUTOKONTSUMORAKO ETA ELEKTRIFIKAZIORAKO ELEKTRIZITATEA SORTZEKO LAGUNTZEN PROGRAMA – EEE. Laguntza horien helburua da autokontsumorako elektrizitatea sortzeko jarduerak sustatzea eta energia berriztagarrien bidez kontsumo termikoak elektrifikatzea.
Dirulaguntza jaso dezaketen jarduerak (itzuli beharrik gabe):
- Energia berriztagarrien iturriekin autokontsumorako energia elektrikoa sortzeko instalazioak egiteko inbertsioak. Halaber, diruz lagundu ahal izango da sortutako energia biltegiratzeko baterietan egindako inbertsioa. Biltegiratze-instalazioak sortze-instalazioaren zati izan beharko du, eta bateria instalazioaren barruko sarean kokatuko da.
- Energia berriztagarrien iturrien bidez kontsumo termikoak elektrifikatzeko instalazioak egiteko inbertsioak.
- Energia berriztagarrien iturrien bidez kontsumo termikoak elektrifikatzeko instalazioak egiteko inbertsioak.
Laguntzaren intentsitatea: Enpresa handia: % 35; Enpresa ertaina: % 40; Enpresa txikia: % 45.
Aurkezteko azken eguna: 2026ko irailaren 30a edo aurrekontua agortu arte.
- HAZINNOVA DEIALDIA. Hazinnova euskal ETEei doako aholkularitza eskaintzen dien programa da, berrikuntza ez-teknologikoko produktuetan eta prozesuetan berrikuntza-mikroproiektuak bultza ditzaten beren erakundeen barruan, lehiakortasuna hobetzeko azken helburuarekin. Horretarako, enpresa onuradunen eskura jartzen du hurbiltasuneko Hazinnova agente bat, prozesu osoan lagunduko diona, bai eta berrikuntzan aditua den aholkularitza-enpresa baten zerbitzuak ere, 50 orduko aholkularitza pertsonalizatu eta presentzialarekin. Enpresak laguntza espezializatu hori du berrikuntza-prozesu osoan. Laguntza-zerbitzuek lagunduko dizute antzematen zer behar zehatz egin behar duzun, zein den irtenbiderik egokiena eta, azkenik, nola jarri praktikan. Hori guztia, proiektua abiatu eta 3 hilabeteren buruan emaitza nabariak bermatuz.
Berrikuntza-proiektuen garapenean esperientziarik ez duten enpresei laguntzeko diseinatu da programa. Haren helburu nagusia da erakunde horiei berrikuntzarako bidean laguntzea, epe laburrean emaitza zehatzak sortuko dituzten eta administrazio-karga esanguratsurik ekarriko ez duten ekintza progresiboen bidez. Euskadin kokatutako 5 pertsonako edo gehiagoko plantillak dituzten enpresei zuzentzen zaizkie, baldin eta industria-sektorekoak edo industriari lotutako zerbitzu-sektorekoak, IKT jardueretakoak, handizkako merkataritzakoak, garraiokoak, biltegiratzekoak, finantza-jardueretakoak edo aseguruetakoak badira, eta 2,7 milioi euroko aurrekontua badute guztira.
Eskaerak aurkezteko epea: 2025eko maiatzaren 6tik urriaren 29ra.
- INDUSTRIA DIGITALA 2025. Digitalizaziorako laguntzak, teknologia digital eta jasangarriak ezarriz euskal enpresen lehiakortasuna sustatzeko. Industria Digitala programaren helburua da Euskadiko enpresa guztiak bultzatzea, eta enpresa horiei lehiakortasuna handitzeko behar dituzten baliabideak eta aholkularitza pertsonalizatua ematea, teknologia digital eta jasangarriak ezarriz, merkatuan duten posizionamendua hobetzeko abantaila lehiakorrak garatu ahal izateko.
Teknologien bilakaera hain da azkarra eta etengabea, ezen enpresa askok zailtasunak baitituzte teknologia horiek beharrezko abiaduran txertatzeko. Horregatik, Industria Digitalak urtean 23.000 €arte eskaintzen ditu enpresa bakoitzeko, bere produktuetan, prozesuetan eta zerbitzuetan EIKTak diagnostikatzeko edo ezartzeko proiektuetarako.
Proiektu horiek barne har ditzakete Big Data, errealitate birtuala, biki digitalak, smart factory, energia-eraginkortasuna kudeatzeko tresnak, merkataritza elektronikoa, biltegia kudeatzeko sistemak, enpresa-kudeaketarako sistemak, produktuaren bizi-zikloaren kudeaketa edo epe luzerako datuak babesteko zerbitzuak.
Aurkezteko azken eguna: 2025/10/31 (23:59an).
- "INNOBIDEAK-KUDEABIDE" DIRULAGUNTZEN PROGRAMA, GIPUZKOAKO FORU ALDUNDIAREN 2025erako (OINARRIAK ETA DEIALDIA). Innobideak-Kudeabide 2025 dirulaguntzen programaren helburua Kudeaketa Aurreratuaren Ereduarekin bat datozen enpresa-kudeaketa hobetzeko proiektuak babestea da, Gipuzkoako enpresen lehiakortasuna areagotzeko.
Enpresa eskatzaileen Kudeaketa Aurreratuko Ekintza Planaren parte diren kontsolidazio-proiektuak finantzatuko dira, Kudeaketa Aurreratuko Kontraste Txostenean identifikatutako lehentasunezko arloetan oinarrituta. Proiektuak gutxienez honako eremu hauetako bat hobetzera bideratu behar dira: estrategia, bezeroak, pertsonak, gizartea, berrikuntza eta emaitzak.
Onuradunak: Egoitza soziala eta fiskala Gipuzkoan duten eta 5 eta 50 langile arteko plantilla duten enpresek jaso ditzakete laguntza hauek.
Laguntzaren zenbatekoa: Dirulaguntzak gastu hautagarrien %70a estaliko du, gehienez ere 10.500 euro enpresa bakoitzeko.
Aurkezteko epea: eskabideak aurkezteko epea maiatzaren 5eko 8: 30etik 2025eko irailaren 30eko 13:30era arte luzatuko da.
- AURRERA 2025. Programa honen helburua sortu berri diren enpresa txiki eta ertainei epe luzerako finantzaketa lortzen laguntzea da. AURRERA programak eskaintzen duen finantzaketa Euskal Autonomia Erkidegoan bizi diren eta profil teknologiko eta/edo berritzailea duten Startupen aktiboetan eta zirkulatzaileetan inbertitzera bideratuta dago. Horrela, programak 5.000.000 €ditu epe luzerako finantzaketan, Finantzen Euskal Institutuak (FEI) antolatua eta Elkargik abalatua.
Finantzaketa hori eskuratu ahal izango dute enpresa txiki eta ertainek, sortu zirenetik 3 urte baino gutxiagora, industria-sektoreek, industriari lotutako zerbitzuek edo EIKTek, baldin eta lurraldeko BICetako batek abalatutako jarduera bat garatzen badute eta gutxienez 3 enplegu sortzen badituzte 3 urtean.
AURRERA programak % 100eko abalaren bermea du Elkargiren aldetik, eta baldintza hauek betetzen ditu:
- Gutxieneko zenbatekoa: 50.000 euro
- Gehienezko zenbatekoa: 250.000 euro
- Interes-tasa: 12 hilabeteko euribor-a + % 1,25
- Finantzaketa-epea: 7 urtera arte
- Gabealdia: 2 urtera arte
- Kuotak: hiruhilekoak, hiruhileko natural bakoitzaren amaieran
- Gazte langabeak euskal enpresetan kontratatzeko laguntzak - LEHEN AUKERA 2025. Laguntza horien helburua da euskal enpresek edo beste erakunde batzuek beren tituluarekin lotutako enpleguetan esperientzia gutxi edo batere esperientziarik ez duten gazte langabeak kontratatzeko oinarriak ezartzea eta eman beharreko laguntzak arautzea, haien enplegagarritasuna hobetzeko neurri gisa, lanbide-esperientzia eskuratuz, gizonen eta emakumeen arteko berdintasuna lortuz eta haien laneratzea sendotuz. Enpresa pribatuek eska ditzakete, edozein forma juridiko dutela ere, banako enpresaburuek, ondasun-erkidegoek eta sozietate zibilek, bai eta elkarteek eta fundazioek ere.
Kontratu bakoitzeko diruz lagundutako zenbatekoa titulazio akademikoaren arabera zehaztuko da, bi ordainketatan ordainduz:
- Lehenengo ordainketa % 49koa izango da, dirulaguntza ematen den unean.
- Bigarren ordainketa, gainerako % 51koa, edo dirulaguntzaren xede diren jarduerak justifikatu ondoren ateratzen den zenbatekoa.
Aurkezteko epea: 2025/10/31 arte.