komertzioaren aurkezpen laburra (jarduera, kokapena…):

Matiako xaboitegia hurbileko denda bat da, Antiguon (Donostian) kokatua, higiene pertsonaleko artisau eta natur produktuak saltzen dituena. Era berean, gure eskaintza osatzen duten eta ingurumena errespetatzen duten beste produktu mota batzuk merkaturatzeko prest gaude. Bi premisetan oinarritzen gara: “slow shopping” eta “murriztu, berrerabili eta birziklatu". Hori guztia, noski, eskainitako produktuaren kalitate altuarekin arrazoizko prezioarekin konbinatuta.

Nola eta noiz sortu zen proiektua?

Proiektua Covid konfinamenduan sortu zen, auto enplegurako planteamendu pertsonal baten barruan, ingurumenarekiko konpromisoarekin eta kosmetika egonkor naturalaren arloko ezagutzarekin batera.

Zer harreman dago zuen proiektuaren eta ekonomia zirkularraren artean? Zein dira azkeneko urteetan, jasangarritasunari dagokionez, egin dituzuen ekintza nagusiak eta zein lortu dituzuen aurrerapen eta lorpen nagusiak?

Lotura zuzena dago gure proiektuaren eta ekonomia zirkularraren kontzeptuaren artean. Gure helburua, erabilitakoari balioa ematea da, lehengaiak alferrik galtzeari ezetz esatea, ontziak berrerabiltzea, fabrikazio-prozesu osoan “murriztu, berrerabili eta birziklatu” printzipioak errespetatzen dituzten hornitzaileei antzematea. Gure aldetik, iraunkortasun-politika global baten parte izateko helburua hurbiltzen joan gara (ontziak eta hondakinak murriztea, argia eta ura koherentziaz erabiltzea, enbalaje-osagaiak berrerabiltzea…).

Zer etekin ateratzen diozue zuen komertzioan ekonomia zirkularreko edo jasangarritasunarekin lotutako ekintza horiek aplikatzeari?

Onura ukigarriak eta ukiezinak daude: bezeroek konponbidearen zatitzat hartzen gaituzte, eta ez arazoarena, batez ere dagoeneko kontzientziatua daude pertsonek; bestalde, kostuak aurrezten dituzte, erabilera bakarreko ontziak alde batera utzita. Baita gauzak ondo egitearen poza ere.

Zer oztopo edo zailtasun dituzue zuen dendan jasangarritasun-ekintzak aplikatzeko?

Oztoporik handiena, jendeak oraindik ez duela kontzientziaziorik jasangarritasunarekiko; ez dago informazioarekin konpontzen ez den ezer, beti prest baikaude hori eskaintzeko; agian, kobratzeko orduan nahigabeko paper gehiegi ekoiztea ere badago, oraingoz saihestezina.

Nola uste duzue Gipuzkoako saltoki gehiagok parte har dezaketela beren negozioan jasangarritasuna txertatzeko?

Informazio-kanpainen eta tailerren bidez, jasangarriaren alde egiteak dakartzan abantaila handiak ezarriz, eta, batez ere, etorkizun iraunkorra izango dela azalduz.

Zer aholku edo gomendio emango zenieke jardunbide jasangarriak aplikatzeko interesa duten Gipuzkoako kmertzioei?

Errespetuzko eta hurbileko hornitzaileengana jo dezatela; argiaren eta uraren kostuak doitzea; ontziak eta enbalajeak berrerabili ditzatela, adibidez, produktua erakusteko… eta, batez ere, jabetu daitezela bezeroak gero eta gehiago eskatuko diela beren saltokiei ingurumenaren aldeko jarrera izatea.