Establezimenduaren aurkezpen laburra (jarduera, kokapena...):

Sormenezko aisialdirako produktuak saltzen dituen denda bat gara (arte ederrak, eskulanak, dekorazioa...). Jostailu didaktikoak ere saltzen ditugu, eta era guztietako eskulan eta arte ederretako ikastaroak ematen ditugu adin guztietako pertsonentzat.

Tolosako Nafarroa etorbideko 10. zenbakian gaude. Beasaingo Iturrioz kalean ere egon zaitezkete.

Nola eta noiz sortu zen proiektua?

Merkataritza jartzeko ideia Tolosako artisautza azokan sari bat irabazi ondoren sortu zen, jendeari hainbeste gustatu baitzitzaion erakusteko eskatzen zigutela.

1993an ireki genuen gure lehen lantegi-denda Ibarran, eta lau urte eman genituen han, Tolosara joan aurretik.

Zer lotura dago zuen proiektuaren eta ekonomia zirkularraren artean? Zeintzuk dira zuen ekintza nagusiak eta azken urteotako aurrerapen eta lorpen nagusiak, iraunkortasunari dagokionez?

Bai gure tailerretan, bai mostradorean, zahartu den edo gustatzen ez zaigun eguneroko edozein objekturi (altzariak, arropa, pitxerrak, etab.) bigarren bizitza bat ematen irakasten diegu, baita hondar-produktuei ere (tetrabrickak, metalezko latak, kristalezko poteak, etab.).

Gainera, natura gustatzen zaigunez, hainbat landare, hosto, azal eta frutarekin jarduerak egiten ditugu- Estanpazio botanikoa eta lore lehorrak ere egiten ditugu.

Dendan iraunkortasun-irizpide handiagoarekin egiten diren pinturak sartzen ditugu, bai ontzian, bai pinturan bertan.

Kartoizko poltsak erabiltzen ditugu, eta geure dekorazioa egiten dugu berrerabilitako paperekin osatutako pakete bakoitzerako.

Saltzen ditugun joko gehienak kartoiz edo zurez egiten dira, material plastikoak alde batera utzita.

Txantxangorri aldizkarian objektuak birziklatuz egiten ditugun eskulanen adibideak ikus daitezke. Aldizkari horretan hilero argitaratzen dugu lan bakoitzaren pausua, edonork erraz egin dezan.

Zer onura dakarzkizue ekonomia zirkularreko edo jasangarritasuneko ekintza horiek zuen negozioan aplikatzeak?

Batez ere, gogobetetze pertsonala dago emaitzarekiko eta jendearen errekonozimenduarekiko, jasangarritasunarekin elkarlanean alternatibak eta irtenbideak ematean.

Zuen ustez, nola sar ditzakegu Gipuzkoako saltokiak iraunkortasuna beren negozioan txertatzeko?

Irudimen eta sormen apur batekin. Edo jada horrela jokatzen ari direnei aholkatzen utzi.

Zer aholku edo gomendio emango zenieke praktika iraunkorrak aplikatzeko interesa duten veste batzuei?

Pixkanaka ekintza iraunkorrak egin ditzatela.

Eta ez ahaztu "sinestea sortzea da"